Blogia

Guillade

Sardiñas e festa en Gillade Arriba!

Sardiñas e festa en Gillade Arriba!

¿Y esta publicidad? Puedes eliminarla si quieres

En Austria xa coñecen os montes de Guillade e Mouriscados

En Austria xa coñecen os montes de Guillade e Mouriscados

 

 

A pasada semana coñecéuse que o colectivo Montenoso   -unha entidade coa que colaboran dende mediados do 2013 as Comunidades de Montes de Guillade e Mouriscados, en diferentes ámbitos  - víña de obter un premio no Prix Ars Electronica 2014, un prestixioso certame internacional dentro do eido das artes dixitais e multimedia, que se celebra en Austria dende finais dos anos 80.

 O galardón foi concedido no apartado de Comunidades Dixitais  , é trátase  da primeira vez que un proxecto galego recibe un premio dentro de dita categoría.

Precisamente, fai tamén escasas datas, a TVE-2 dentro do seu programa divulgativo “La aventura del saber”, emitía unha reportaxe sobre este colectivo, e a situación dos Montes Comunais da contorna urbana de Vigo, onde tamén se recolle un breve fragmento da mesa redonda a que se convidou a Comunidade de Montes de Guillade no Museo Marco de Vigo en marzo deste ano.

 

RESULTADOS ELECTORAIS EUROPEAS 2014 GUILLADE

Lamentando non poder ter conseguido os datos relativos aos anteriores comicios do 2009, no que á mesa electoral de Cumiar-Guillade se refire, para unha mellor comprensión dos resultados, ofrécense aquí os deste último proceso electoral:

 

 

PP

%

PSOE

%

BNG

%

AGE

%

POD

%

Outr.

%

PARTP

GUILLADE

91

37,9

65

27,8

26

10,8

23

9,5

6

2,5

26

10,8

43,9

PONTEARE.

2330

31,1

1529

20,4

868

11,6

756

10,1

783

10,4

1009

13,4

43,6

PONTEARE.

 (2009)

3797

48,3

2616

33,3

943

12,2

121*

1,5*

-

-

138

1,7

44,3

No que aos “tres grandes” se refire, os tres perderon votos, aínda que de xeito moi desigual: xa que mentres o BNG foi capaz de fidelizar con bastante éxito os seus votantes, o PP deixou case 1500 apoios polo camiño.

 

Perdida votos Respetco 2009

PP

%

PSOE

%

BNG

%

PONTEAREAS

1467

-38,6%

1087

-41,5%

75

-7,9%

PONTEVEDRA

71336

-38,7%

60936

-45,2%

5064

-13,9%

GALICIA

216577

-37,9%

183934

-45,6%

23992

-23,1

 

Neste senso aínda que matemáticamente caben múltiples posibilidades e combinacións, no que ao trasvase de votos se refire; o feito de que nos anteriores comicios non se contara coa presenza de AGE nen  PODEMOS, abre un abáno de posibilidades  interesante no que a orixe dos  apoios acadados por estes partidos, especialmente no caso ponteareán. E aínda que semella tratarse dun voto urbán, novo e procedente en boa parte de desencantados do PSOE, e  incluso dalgún abstencionista -xa que como xa se dixo-, alo menos neste escenario local o BNG non sufríu unha erosión significativa de apoios, polo que en certo modo pode descartarse un trasvase significativo dende as súas filas a estas novas formacións.

Festa & Serán

Festa & Serán

Este próximo sábado 26 terán lugar en Guillade un serán organizado pola Asoc. de VV. San Gregorio  a partires das 22h (con chourizada, viño e chocolatada) no centro cultural, e unha verbena un chisco máis tarde, no torreiro cos grupos:

-Kamelot e Yukatan

De igual xeito, ao día seguínte -domingo d´As Angustias- haberá tamén un pasarúas a cargo da Banda de Música de Guláns.

AUGA

En Guillade d'Abaixo existen dúas Comunidades de augas: Unha chamada “A Coelleira-Rebordiños” que abastece ó barrio de Carballede e parte de A Rañó (unhas once casas), e outra Comunidade de Augas que abastece ó resto dos barrios de Guillade d'Abaixo (Mourigade, Val, Ponte de Xil, Igrexa, Pazos, A Rañó (as restantes casas, que son máis de doce) e Reimonde).

 

A Comunidade de Augas de Guillade de Abaixo levou a traída de augas ás casas hai aproximadamente uns 40 anos, e daquela construíu un depósito dunha capacidade de 80.000 litros no monte comunal, que naquel entón pertencía ao Concello de Ponteareas. Máis recentemente, polo ano 2006, construíu unha ampliación a ese depósito, con capacidade para 200.000 litros de auga. Esta comunidade de augas conta cuns 6 olleiros no monte comunal, cun caudal de auga moi variable do inverno ao verán. De feito, no verán sempre hai escaseza de auga, e iso sumado a unha mala xestión provoca que ao menos nos meses de agosto e setembro unha boa parte das casas padezan cortes diarios no abastecemento.

 

A asociación “A Coelleira-Rebordiños” reivindica a propiedade ou dereito de uso sobre dous olleiros de auga: Un situado no monte comunal de Guillade, e outro na súa orixe da auga de regadío, motivo polo que non puido ser aproveitado para uso doméstico no momento de construírse o depósito da Comunidade de Augas de Guillade de Abaixo, e que agora, de xeito escuro, a Comunidade de “A Coelleira-Rebordiños” afirma ter legalizado de modo que pretenden apropiarse del para uso doméstico. ( este olleiro está a uns 100 metros de distancia do depósito mencionado neste parágrafo).

 

Os dous olleiros da Cuelleira teñen case tanta auga coma os 6 olleiros da Comunidade de Guillade de Abaixo e só abastecen a unhas 20 casas, mentres que a Comunidade de Augas de Guillade de Abaixo abastece neste momento a máis de 120 casas. Non deberíamos compartir a auga entre todos?

 

Facemos as seguintes consideracións:

  1. Todos os olleiros sitúanse no monte comunal, e polo tanto deben ter un uso comunitario, sen discriminacións nin privilexios duns veciños sobre os outros. A auga é de todos/as e a todos/as e todas pertence por igual.

  2. A auga é un ben escaso, limitado, e atendendo a principios de xustiza debería repartirse dun xeito igualitario e equitativo entre todos os veciños

 

Na última reunión da Comunidade de montes de Guillade do día 2/3/14, a asociación “A Coelleira” solicitou por segunda vez (a primeira foi denegada pola Asamblea) a construción dun depósito nos montes comunais para almacenar a súa auga. A xunta rectora comprometeuse a levar a votación dita petición nunha próxima asemblea extraordinaria cuxa principal orde do día sería dita solicitude. E cabe destacar a intervención dun vocal matizando que o asunto en si concerne non tanto aos comuneiros/as como ás Comunidades de Augas.

 

A solución podería pasar por almacenar toda a auga nun mesmo depósito común para todos os afectados, pois xa existe un con suficiente capacidade, e polo tanto non sería preciso construír un novo depósito, e ademais garantir que se ofrece un reparto xusto, equitativo e igualitario de toda a auga do monte comunal, constituíndo se fose necesario unha nova directiva que integre a todas as partes e vele polo cumprimento das normas.

 

Podedes partcipar coa vosa opinión calquera que sexa, expoñéndoa dende o respecto, facendo click en “comentarios”; deste xeito contribuiremos a informar da situación a tódol@s veciños e veciñas, que finalmente terán o poder de votar á súa vontade nunha próxima Asamblea. Entre todos podemos axudar a entender e resolver mellor os problemas que nos concernen e así construir a nosa realidade do xeito máis satisfactorio posible.

A disfrazarse!

A disfrazarse!

Coincidíndo coa entrada do marzal, chega este ano o Entroido, polo que é unha obriga para todos disfrazarse e burlarse de tanta chuvia, vendavais, crise económica e demáis problemas que nos botan abaixo a moral.

E se queredes celebralo en boa compaña, a Asoc. de Veciños S.Gregorio organiza unha festa para cativos (e grandes) este sábado a partires das 16:00h!

Concerto de Aninovo 2014

Concerto de Aninovo 2014

En Guillade cada ano ímos a máis... Este novo ano 2014, que xa se pode albiscar, comezará coa actuación no Centro Cultural o próximo 4 de xaneiro, ás 20h, de dous grandes artistas de proxección internacional: o gran pianista Alejo Amoedo, e o trompetista vigués Rubén Simeó, quen dende os 8 anos non fai máis que recoller premios e recoñecementos a nivel estatal e internacional -Porcia (Italia), Benidorm, Maurice Andre (Paris), Bruselas, Selmer (Francia), P. Jones (Gebwiller, Francia)...-

Con 12 anos participou no excelente programa de divulgación educativa e musical “El Conciertazo” de RTVE, do recente e tristemente desaparecido Fernando Argenta, e dende aí non fixo máis que dar clases maxistrais (Estonia, Xapón...) e concertos por todo o mundo, coas máis prestixiosas orquestras -Orquesta Metropolitana Lisboa, E. Romagne (Italia), Torrente, Siena Wind Tokio, Sinfónica Kanazawa (Japón), Paris, Sttugart, Sinfónica de Galicia...-

 

Curso de Poda

Curso de Poda

En breves datas dará comezo un curso de inicio á poda organizado pola Asociación "O Arrasta", os interesados poden inscribirse ou atopar máis información, neste número de tlf: 620557508

 

Sen comentarios

Sen comentarios

(Nen reunións :-s)

(Foto montaxe sacada do Facebook de "Sonche de aldea")

Un campión

Un campión

Si hai dúas cousas claras en Ponteareas, e Guillade, é que se tratan de terras con grande tradición ciclista, e con fortes vínculos con Portugal. E se aínda por enriba unimos a bicicleta, Guillade e Lisboa, o resultado son máis de 600kms (índo pola costa) que o noso veciño Luciano Rodríguez, cubríu nunha semana cunha media de máis de 80kms ao día. E todo ísto, coa "barreira" dos 60 anos xa superada!! pero claro: a veteranía e experiencia son un "grado", e a fin de contas a idade só unha cifra. As "barreiras" son mentais.

"No fondo de nós mesmos, temos sempre a mesma idade"

(Graham Greene)

V-Encontro de Corais

V-Encontro de Corais

O vindeiro sábado 21 de setembro, a partires das 21h terá lugar  o <<V-Encontro de Corais>> organizado pola Asoc. de VV. San Gregorio.

¿Y esta publicidad? Puedes eliminarla si quieres

Galicia Labrega: Fornelos da Ribeira 1931

Este video mostra a agricultura, a gandeiría e a feira de Ponteareas, a romería da Ascensión e a inauguración do local sindical. Película feita para a Sociedad Progresista Hijos de Fornelos y Anexos (Bos Aires) Estreouse no Sindicato Agrícola y Ganadero El Progreso, Fornelos da Riveira o 14-6-1931. Restauración: Arquivo da Emigración Galega (Consello da Cultura Galega) e CGAI (1999).

http://www.youtube.com/watch?v=Dx2Z1qnDIws&feature=share&list=PL071E8CA108634504

20130818141352-default.jpg

http://www.youtube.com/watch?v=bdKT2bEoegw

20130818165639-default-1.jpg

O video do primeiro enlace dura media hora, pero o segundo só 5 minutos centrándose na parte do primeiro video que mostra o labor do campo.

ATENCION: Zombis en Uma!!

ATENCION: Zombis en Uma!!

O próximo 24 de xullo Uma sufrirá unha invasión zombi... estades preparados? quen se atreverá a sair das súas casas esa noite?

 

Máis información en: www.facebook.com/rastreo.uma

Festas do Cristo 2013: tres días de troula!

Festas do Cristo 2013: tres días de troula!

A ver se o bo tempo acompaña e non chove...

Guillade na "Voz e El País"

Guillade na "Voz e El País"

Aproximadamente un ano máis tarde de que tamén por estas datas, o Faro de Vigo se fixera eco de dous eventos que acontecían en Guillade (as festas do Cristo 2012 e o conflicto coas pedras do Adro), a semana pasada dous xornais diferentes , “La Voz de Galicia” e “El País”, ou a web “Todo Condado”, volvían sacar información sobre a nosa parroquia… Esperemos que dentro dun ano (ou antes), se Guillade sai de novo na prensa escrita sexa por temas máis positivos e alegres.

V-Festa Infantil

V-Festa Infantil

O próximo día 14 non esquezades o traxe de baño se queredes probar o tobogán de auga!!

"Polo San Xoán... Sardiñas e Pan"

"Polo San Xoán... Sardiñas e Pan"

Mentres parece que non chega o verán, o calor e o bo tempo, o que sí que chegan son as sardiñadas populares, a primeira este venres 21 a partires das 22h!!

Música para as Letras Galegas

Música para as Letras Galegas

O vindeiro venres 17 conmemórase o día das “Letras Galegas”, e como ven sendo habitual nos últimos anos, a Asoc. de VV. San Gregorio organizou un acto co gallo da celebración desta xornada -que se suma a andaina promovida pola Asoc. O Arrasta- nesta ocasión vai ter acollida no centro cultural a partires das 20h, un concerto a cargo das agrupacións:

-“Amigos Afortunados”

-O grupo de pandereiteiras “As Fiuncheiras”

-“O Son da Triga”

 Ao mesmo tempo, aproveitase a ocasión para agradecer os esforzos da COMISION DE FESTAS DAS ANGUSTIAS 2013, por ter o acerto de traer a Guillade a BANDA DE MUSICA DE RUBIÓS, para poder disfrutar da magnífica interpretación que fixeron o pasado día 11, dalgunhas das mellores bandas sonoras do cinema (“A morte tiña un prezo”, “Robinson Crusoe”…) entre outras pezas. A súa vez, hai tamén que recoñecerlle a estes músicos o detalle de vir a ofrecer a actuación que no seu momento non poideron ofrecer por mor do mal tempo.

¿Y esta publicidad? Puedes eliminarla si quieres

Andaina: Coto do santo

Andaina: Coto do santo

“Começou a Viagem” de José L. Montero

“Começou a Viagem” de José L. Montero

http://guilladenses.wordpress.com/2013/04/24/comecou-a-viagem-de-jose-l-montero/

¿Y esta publicidad? Puedes eliminarla si quieres