Día de lectura
Hoxe estaba boa tarde para ler no xardín, así que nos apuntamos todas. Sandra, Fani, Elisa e Dori puxémonos a ler cada quen o seu libro. Ler tamén é unha boa maneira de divertirse!!
Aprendendo a inxertar
Esta semana estivemos facendo inxertos de pexegueiro. Consiste nunha operación quirúrxica, pegando nun pé de pexegueiro bravo unhas ramiñas de pexegos ou peladillos de boa clase, para que así a árbore dea pexegos ou peladillos dos que se comen cos ollos.
Na foto estamos os dous acabando de facer o inxerto.
V MARCHA CICLOTURISTICA “DAS ROSQUILLAS”.
O pasado domingo 27 de xaneiro, a “A.D.C. Picaraña” organizóu por quinto ano consecutivo unha marcha cicloturista polo noso Concello, que xunto as tradicionalmente xa organizadas polo “Clube Cilclista da Lamprea” das Neves (Marcha do Requeixo), sitúan a bisbarra do Condado como un referente claro a hora de falar do cicloturismo en mountain-bike a nivel galego e do Norte de Portugal, xa que cada ano son máis e máis os veciños “do sur do río Minho”, que veñen a acompañarnos.
Nesta ocasión o número de participantes situouse en torno aos 700, unha cifra aínda lonxana dos máis de 1.200 participantes que adoitan tomar parte na proba lúdica organizada nas Neves pola xente da “Lamprea”. Foron case 40 kms. de néboa e frío ao principio, e de bastante calor para esta altura do ano ao final do percorrído, pero moi ben levados grazas ao chocolate ben quente e as rosquillas que fóron servidas antes da saída –xunto a piscina municipal de Ponteareas-, así como no tempo de “avituallamento” na falda do Monte Galleiro.
Segundo indican algúns dos participantes da nosa parroquia, o nome de Guillade foi sinónimo de “ fortaleza e resistencia” dentro do pelotón nos repeitos máis duros da proba, que pasou por sitios como: Fozara, Pazos de Borbén, Ribadetéa, o Monte Galleiro, etc… E xa que nengún de nós estívo alí, terémos que confiar no que eles dín…
De igual xeito, houbo agasallos para os sufridos e enlamados ciclistas (e íso que non choveu como 15 días antes na “Marcha do Requeixo”), consistentes nunha camisola e un gorro, así como o orgullo de ser acompañados a golpe de pedal en todo momento, polo gañador do Tour Oscar Pereiro, quen xa é un habitual “padriño” das probas celebradas no Condado nos últimos anos. Amosando que os campións son doblemente grandes tendo a modestia e o detalle de deixarse ver en eventos deste estilo; por non falar da súa infinita paciencia, “aturando” ás moreas de admiradores que constantemente achegábanse a él para repetirlle o orgullosos que todos estamos de que un paisano de Mos levara ao máis alto o nome de Galiza no mundo do ciclismo. Agardemos que o próximo ano a forma física dos e das guilladenses (a parte de ser máis) siga estando á altura das circustancias, do frío, da néboa e dos camiños de cabras…
Entroido en Guillade
O domingo celebramos unha grande festa de entroido no local da Asociación de Veciños. Houbo moitos nenos, rapaces e non tan rapaces, todos disfrazados e tamén unha orquesta que alegrou a festa.
Déronse medallas aos gañadores, e na categoría infantil gañou Nicolás co seu disfraz de calabacín :-)
O resto das fotos podedes velas pinchando na de abaixo.
Unha partida de Trivial
Que vos parece se botamos unha partida de Trivial... podemos xogar varios á vez. A intentalo!
Os contos do carballo con botas
Como irán as landras que plantamos no mes de novembro? Seguro que xa lle falta pouco para que comecen a nacer.
Teremos algún carballo con botas coma o deste conto?
Este conto e moitos máis podes atopalos na páxina de Contos solidarios.org, no seguinte enlace
Asemblea da Comunidade de Montes
Asemblea ordinaria o domingo día 27 de xaneiro, ás 2.30 da tarde primeira convocatoria, 4.30 a segunda.
Orde do día:
1.Lectura e aprobación se procede da acta anterior
2.Estado de contas
3.Aprobación para solicitar subvencións
4.Deslinde no monte na zona do "Coto do Santo"
5.Admisión de novos comuneiros
6.Convocatoria de eleccións
7.Rogos e preguntas
Unha vez celebrada a asemblea en día e hora fixadas, recollemos un resumo dos asuntos tratados (este resumo é de datos aproximados):
a) No estado das contas hai a día de hoxe un remanente duns 30.000 euros, despois de que este ano se vendesen piñeiros queimados por un valor próximo aos 5.000 euros.
b) Foi concedida unha subvención da Xunta de Galicia para plantar unhas 3 hectáreas de castiñeiro (2.000 plantas), por valor duns 4.000 €, na zona que linda con Uma. A comunidade ten que achegar outros 6.000€ para que a subvención sexa concedida.
c) Por proposta do Manolo... acórdase celebrar o día da árbore (21 de marzo) prantando 50 árbores de zonas recreativas no coto da pedreira (na zona do merendeiro).
d) Na disputa dos lindes no Coto do Santo coa C.M. de Cumiar, acórdase que o presidente da nosa comunidade negocie un acordo amistoso, recoñecendo as demandas da C.M. de Cumiar pois os marcos existentes danlles a razón, e así evitar un xuízo contencioso.
e) No tema da nave de Albelle, mostrouse unha sentenza xudicial do ano 1998 a favor da nosa Comunidade, que declara nula a venda deses terreos, e que por tanto pertencen á Comunidade de Montes. Estes terreos xa foron clasificados, e agora só queda o trámite de rexistralo na propiedade, e espérase que non se prolongue máis dun ano. Desmíntense rumores na liña de que a Comunidade de Montes tiña que pagar diñeiro para recuperar eses terrenos.
f) Admitíronse media ducia de novos comuneiros, aprobados pola asemblea.
g) Convócanse eleccións para o día 16 de marzo. Hai 3 semanas para presentar candidaturas.
Entroido
O luns 28 de xaneiro, ás 17.00 horas: Maquillaxe de entroido na Axencia de Lectura de Guillade
Adoro o mellor xogador: KAKA
É o mellor xogador: controla, regatea, pasa, desmárcase, recibe, chuta e.... GOOOOOOOOL!!!!
O peor porteiro do mundo
O peor porteiro do mundo é Buffon
Chegaron os Reis a Guillade
Repartiron caramelos
E todos levaron algho
Regalos de Reis
Ola amiguiños: esperamos que os Reis se portaran tan ben con vós como se portaron con nós.
Regaláronnos unha casa superchuli con todos os mobles e unha moneca que se pode maquillar e peitear.
A ver se ensinades tamén algún xoguete, eh!
Estimulación Precoz
"Los expertos en estimulación precoz recuerdan que estos métodos no crean genios ni superdotados; se trata sólo de gestionar bien el capital con que se nace". Ver enlace en Educación . É un artigo interesante.
Comilona na casa do Ledo
Hoxe pasámolo superpipa. Estivemos de cociñeiras, cos nosos delantais, e fixemos un menú especial. Dori estivo de axudante de cociña.
Primeiro cociñamos o postre: mazáns ó forno en pan de brioche con marmelada de limón e claudia.
De primeiro preparamos foliados de queixo e canapés de sardiña con pepinillo e tomate.
De segundo brochetas con patacas asadas multisabores.
Ó final só nos quedou zamparnos o supermenú.
Madámoslles un saúdo a Cristian e Tato, e esperamos que en Madrid coman tan ben coma nós :-)
A TOD@S
Recordade que para publicar un artigo neste blog podedes ir ó menú principal, alí pinchar en "Publicar Artículo" e logo poñedes o voso nome e a contraseña "nico", escribides o artigo e acordádevos de gardalo. Despois nós xa o publicamos o máis depresa que poidamos.
REVISTA
Encantaríame que alguén se atrevese a retomar esta revista!
A biblioteca
Juani é a nova bibliotecaria, e dende eiquí dámoslle a benvida. Ten moitas ideas que esperamos poida levar a cabo con satisfacción.Entre éstas, a de fomentar a lectura involucrando a persoas de tódalas idades. E xa colocóu un buzón de suxerencias para aqueles que queiran comparti-las súas ideas. Neste momento ten organizado un concurso de postales: ten tres fases este concurso, e hoxe ten lugar a segunda fase. Mañán será a terceira e última fase. É un concurso especial que apela a distintas capacidades, entre elas á de saber pensar. Moita sorte!
Arrasta
