Encontro informativo sobre os lumes

Este sábado 18 de novembro ás 18:30 horas, terá lugar na casa cultural de Guillade unha charla informativa sobre os efectos e consecuencias do lume que afectou á nosa parroquia a mediados de outubro.

En dito encontro, aberto a todos os veciños/as, participarán tanto persoas especialistas en distintas materias (biólogas, enxeñeiras forestais...), que asesorarán e ofrecerán a súa axuda á Comunidade de Montes de Guillade, como representantes do goberno municipal, que informarán sobre a posta en marcha dun punto de atención municipal aos afectados, así como das liñas de axuda existentes.

Tanto dende o propio Concello, como dende o colectivo de voluntarios/as Voltea Condado, apelarase á implicación veciñal e colectiva á hora de psicionarse activamente de cara a paliar -e evitar no futuro-, catástrofes como as acontecidas fai hoxe un mes.